FJALË TË URTA SHQIPE PËR NDJENJËN ESTETIKE

 - Ajo lule që s’ka erë, s’ka vlerë.
 - Bukuria për një herë, dituria për gjithherë.
 - Bukuria pa dituri - dru i thatë pa stoli.
 - Çdo lule ka erën e vet.
 - Gruaja e bukur e vera e ëmbël - farmak për zemër.
 - Lisi i njomë - hieja e gjithkujt.
 - Mendja e zbukuron njeriun
 - Mos i var maces zile.
 - Nuk këndon bilbili kur i vë sorrën pranë.
 - Pritet petku sipas shtatit.
 - Sipas kohës vishet petku.
 - Syri flet më shumë se buza.
 - Syri zgjedh të bukurën, goja të ëmblën e zemra zgjedh të mirën.
 - Të riun e zbukuron rinia, plakun stolia.
 

THËNIET MË TË BUKURA PËR DASHURINË

 YGO: Tërë gjithësia e shkrirë në një qenie - kjo quhet dashuri.
 TUPER: Tërë një libër në një fjalë, i tërë oqeani në një pikë loti, shtatë palë qiell në një shikim, fortunë në një ofshamë, rrufe në një prekje, njëmijë vjet në një çast! Kjo është dashuria.
 BOMARSHE: Dashuria është romani i zemrës.
 BALZAKU: Nëqoftëse drita është dashuria e parë e jetës, athua a është dashuria drita e zemrës ?
 VOLTERI: Dashuria është pëlhurë që e thuri natyra, e fantazia e zbukuroi me qëndisje!
 BRICIS: Dashuria është zjarr, flaka e të cilës i djeg të gjitha vështirësitë e njerëzimit.
 PUSHKINI: Të dashurosh, edhe më keq të mos dashurosh, por më së vështiri është ta gjesh atë që të do!
 SIMON: Dashuria është poet i madh i cili kurrë nuk e sheh të dashurin ashtu siç është, por ashtu siç dëshiron të jetë.
 PLATONI: Nëse nuk të ka prekur dashuria, je duke ecur nëpër terr.
 SUEDEZE: Jeta pa dashuri është si viti pa pranverë.
 FLOBERI: Zemra është pasuri, që as nuk shitet, as nuk blehet por dhurohet.
 KONT: Dashuria nuk mund të jetë e thellë, nëqoftëse nuk është e pastër.
 SANDI: Dashuria e përhershme është xhevahir, i cili ka nevojë për kuti të artë.
 GAJBELL: Dashuria shndërrohet në shkallë të arta nëpër të cilat zemra ngjitet deri në qiell.

Thënie të njerëzve të mëdhenj

 - Historia është version i ngjarjeve të së kaluarës me të cilat populli ka vendosur të pajtohet
  Napoleon BONAPARTE  (1769 - 1821) 
- Fjala është grua shtatzënë që lind viganë. Fjala na bashkon me yjet dhe majmunët.
 Miroslav KËRLEZHA
 - Të ndiejmë mundemi vetëm në gjuhën amtare, të mendojmë edhe në ndonjë gjuhë tjetër.
 T. S . ELIOT
 - Kur i kujtoj ngjarjet e çuditshme nga jeta ime, herë-herë dyshoj a mos vetëm e kam ëndërruar tërë këtë.
 Anatol FRANS
 - Njerëzit përçmojnë atë që s’e kuptojnë.
 J. V. GËTTE
 - Për të njohur mirë një tjetër , duhet të njohësh më parë vehten.
 William SHAKESPEARE
 - Nga të gjitha të vërtetat të vërtetet më të thella dhe më fisnike janë ato të zemrës.
 Antun BARAC
 - Tërheqëse është vetëm martesa që vjen nga dashuria . Të martohesh me një vajzë vetëm pse ajo është simpatike është njësoj si të blesh një send të panevojshëm vetëm pse është i bukur.
 A. ÇEHOVI
 - Të vërtetat dhe femrat deri tek të cilat vjen lehtë, nuk kanë ndonjë vlerë të veçantë.
 ? ? ?